Samey

Meginhlutverk Sameyjar er að bjóða sérhæfða þjónustu til að auka samkeppnishæfni fyrirtækja með aukinni sjálfvirkni og bættu rekstraröryggi. Samey var stofnað árið 1989 og hefur frá þeim tíma þjónað fyrirtækjum til lands og sjávar með ólíkar þarfir. Meðal helstu viðskiptavina Sameyjar eru mörg af stærstu og virtustu fyrirtækjum á Íslandi, en auk þess hefur Samey þjónað fyrirtækjum erlendis.

Samey býður gott vöruúrval af hágæðabúnaði frá mörgum af virtustu framleiðendum á sínu sviði. Samey er með hönnunar- og framleiðsludeild og skilar heildarlausnum, allt frá þróun hugmyndar til gangsetningar. Samey sér í vaxandi mæli um hönnun og framleiðslu stýribúnaðar fyrir tækjaframleiðendur og veitir tæknilega aðstoð við þróun hugmynda og vöruþróun.

Hönnun og ráðgjöf

Á grundvelli áralangrar reynslu í hönnun og framleiðslu á rafmagnstöflum og náinni samvinnu við viðurkennda framleiðendur getur Samey skilað fyrsta flokks lausn fyrir allar gerðir og stærðir raforkukerfa á lágmarkstíma. Með fullkomnum hönnunarhugbúnaði, reyndum hönnuðum og skjótri og áreiðanlegri afgreiðslu íhluta, getur Samey boðið lausn sem fullnægir þínum þörfum. Við leysum vél- og rafræn verkefni til enda og skilum þeim prufukeyrðum hjá kaupanda. Lausnir okkar eru skjalfestar með góðum teikningum og lýsingum til að tryggja öruggan rekstur. Okkar reynsla og þekking nýtist best ef við erum með frá fæðingu hugmyndar til fullunnins verks. Aðgangur viðskiptavinarins að reynslu okkar og þekkingu getur sparað honum verulegar fjárhæðir og komið í veg fyrir dýr mistök.